Manchester United Statistics

Premier League EnglandTotalHomeAway
Rank
6
Matches Played
26
13
13
Wins
14
7
7
Draws
2
1
1
Losses
10
5
5
Goals for
36
19
17
Goals against
36
20
16
Points
44
22
22
Avg. goals scored p/m
1.38
1.46
1.31
Avg. goals conceded p/m
1.38
1.54
1.23


MUSC ICELAND

Velkomin Velkomin á heimasíðu stuðningsmannaklúbbs Manchester United á Íslandi.-

Instagram

Á þessari síðu finnur þú allar upplýsingar um klúbbinn, ferðir á leiki, hvernig á að gerast félagi í klúbbnum, hverjir eru í stjórn, lög og reglur klúbbsins og hér birtum við nöfn vinningshafa í happdrættinu okkar.

Við hvetjum þig til að skrá þig á póstlistann til þess að fá fréttabréfið. Við erum líka með okkar eigin Facebook síðu þar sem öll almenn umræða fer fram og póstum þar upplýsingum um ferðir á leiki með Manchester United.

VERDI Ferðaskrifstofa í samstarfi við stuðningsmannaklúbb Manchester United á Íslandi býður upp á fjölbreyttar og skemmtilegar ferðir til Englands þar sem hægt er að sjá leiki á Old Trafford í hæsta gæðaflokki.

Happdrættið 2023 – 2024 – Vinningsnúmer

Dregið var í happdrætti stuðningsmannaklúbbsins sunnudaginn 14. Janúar. 2024

Við þökkum þeim kærlega sem tóku þátt í happdrættinu okkar í ár og styrktu þannig ferðasjóð fatlaðra stuðningsmanna. Á þar síðasta tímabili náðum við að senda sex einstaklinga á Old Trafford ásamt aðstoðarmönnum.  Hér fyrir neðan eru vinningsnúmerin (birt með fyrirvara um prentvillur).

​Vinningshafar sendi póst á manutd@manutd.is  fyrir 1. nóvember 2024.

1. Vinningur

Ferð fyrir tvo á Old Trafford með Verditravel. Flug, gisting og 2 miðar á Old Trafford.

Miði nr. 213

2. Vinningur

Ferð fyrir einn á Old Trafford með Verditravel. Flug, gisting og miði á Old Trafford.

Miði nr. 247

3. Vinningur

Landsliðstreyja

Miði nr. 380

4. - 7. Vinningur

Manchester United treyja

Miðar nr. 86, 307, 75, 537

8. - 10. Vinningur

Man Utd Iceland ferðabakpoki á hjólum.

Miðar nr. 295, 988, 61

11. Vinningur

Gjafakarfa með Man Utd Iceland vörum.

Miði nr. 706, 700, 8, 423, 695, 182, 340, 452, 532, 953

Men’s Team

Women’s Team

Um klúbbinn

Stuðningsmannaklúbbur Man Utd á Íslandi

Saga klúbbsins nær aftur til ársins 1991, nánar tiltekið 6. október, þegar u.þ.b. 50 aðdáendur tóku sig saman og stofnuðu klúbbinn.

Megin markmið klúbbsins er að sameina undir einum hatti sem flesta stuðningsmenn Manchester United á Íslandi. Klúbburinn sendir út gjafavarning, heldur úti flottu tímariti, vefsíðu, happdrætti fyrir Styrktarsjóð fatlaðra stuðningsmanna og er eigandi að 58 ársmiðum á alla heimaleiki á Old Trafford. Miðarnir eru seldir sem hluti af hópferðum í samstarfi við ferðaskrifstofuna VERDI.

Heimavöllur stuðningsmanna er á hinum ýmsu sportbörum á höfuðborgarsvæðinu og einnig víða á landsbyggðinni.

Styrktarsjóður Stuðningsmannaklúbbs Manchester United á íslandi

Styrktarsjóður Stuðningsmannaklúbbs Manchester United á íslandi,  vill þakka öllum sem sótt hafa um og hvetur þá sem ekki hljóta styrk í ár að sækja um aftur þegar opnað verður fyrir umsóknir í ágúst og verður opið fyrir þær fram í september. 

 

Nýtt fyrirkomulag verður kynnt þegar að því kemur og verða nánari upplýsingar að finna á facebookog  heimasíðu okkar www.manutd.is 

Eftirfarandi aðila fara í ferð eða hafa farið á vegum klúbbbsins í vetur ásamt aðstoðarmönnum

og óskum við þeim til hamingju.

Pálmi Pálmason – Kópavogi 

Víðir Þorsteinsson – Reykjavík

Hanna Margrét Kristleifsdóttir – Kópavogi

Kristófer Hlíðdal  – Reykjanesbæ

Sveinbjörn Eggertsson – Mosfellsbær 

Björg Sigurðardóttir  – Vestmannaeyjum 

Með innilegri kveðju og þakklæti til allra sem stutt hafa okkur í vetur og undanfarin ár.

Rúnar Ívarsson 

Formaður Stuðningsmannaklúbbs Manchester United á Íslandi 

MUSC Iceland . 

Mobile +354 8953504  

runar@margtsmatt.is

Ferðir á heimaleiki Man.Utd veturinn 2023-2024

VERDI Ferðaskrifstofa mun í vetur bjóða upp á fjölbreyttar og skemmtilegar ferðir til Englands þar sem hægt er að sjá leiki í hæsta gæðaflokki, leikmenn á heimsmælikvarða og upplifa ólýsanlega stemmningu innan um tugþúsundir áhorfenda. VERDI Ferðaskrifstofa og Man.Utd klúbburinn á Íslandi eru í samstarfi um að skipuleggja ferðir á flesta heimaleiki Manchester United á komandi keppnistímabili. Flogið er með áætlunarflugi Icelandair í allar ferðirnar, í flestum tilfellum í beinu áætlunarflugi til Manchester. Í nánast öllum ferðunum er gist á Novotel hótelinu í miðborg Manchester.

Miðarnir sem Man.Utd klúbburinn hefur til ráðstöfunnar í þessar ferðir eru í hólfi STH 126. Verðin í ferðinar eru miðuð við að ferðirnar séu bókaðar og greiddar á netinu. Sætin sem VERDI hefur á Old Trafford eru á mjög góðum stað í suður-stúkunni, hægra megin við varamannabekki. Sætin eru á svæði merkt STH126 á myndinni. Vanti þig frekari upplýsingar eða hafir þú áhuga á að vita meira skaltu hafa samband við VERDI ferðaskrifstofu með með því að senda okkur tölvupóst sport@verditravel.is eða hringja í síma 460 0620 Ef bókað er í gegnum síma, eða með því að senda okkur tölvupóst þá bætist við 2500 kr. bókunargjald á hvern farþega.

Póstlisti félagsins og upplýsingar um breytt heimilisfang

Skráðu þig á póstlistan hjá okkur og fáðu fréttir af liðinu og ferðum á leikina með Manchester United klúbbnum á Íslandi

Stuðningsmannaklúbbur Manchester United á Íslandi

Suðurlandsbraut 4a – 108 Reykjavík

Pósthólf 8085 – 121 Reykjavík

    Nú er hægt að panta á vefverslun Margt smátt nafnamerkt gæða baðhandklæði með merki Manchester United og þínu nafni.

    Verð aðeins: 4.959

    kr.

    Ath. að ágóði sölunnar rennur í ferðasjóð fatlaðra stuðningsmanna Manchester United klúbbsins á Íslandi.

    Smelltu á hnappinn hér að neðan til að versla.

    Tilboð til stuðningsmanna!

    Stjórn félagsins

    2020 – 2021

    Rúnar Ívarsson

    Formaður
    Sími: 895 3504

    Yngvi Örn Stefánsson

    Stjórnarmaður
    Sími: 893 4060

    Gunnar Steinn Þórsson

    Stjórnarmaður
    Sími: 693 5005

    Björn Ingi Rafnsson

    Stjórnarmaður
    Sími: 824 6213

    Skráning í klúbbinn

    1. Árgjald

    Millifærðu kr. 4.500 á reikning klúbbsins: 0331-26-5555 Kennitalan er 471294-2339.

    2. Tölvupóstur

    Að greiðslu lokinni, sendir þú tölvupóst með nafni, kennitölu, heimilisfangi, póstnúmeri, síma og netfangið manutd@manutd.is

    3. Fyrir félaga

    Að hausti og um jólin mun klúbburinn senda þér gjafapakka

    Lög klúbbsins heiti félagsins og tilgangur

    1. gr.

    Nafn félagsins er Stuðningsmannaklúbbur Manchester United á Íslandi. Varnarþing þess er í Reykjavík. / kt 471294-2339

    2. gr.

    Tilgangur félagsins er að stuðla að auknum stuðningi við Manchester United, s.s. með útgáfu félagsblaðs, rekstri heimasíðu á internetinu og að gera félagsmönnum kleift að sjá sem flesta leiki með Manchester United.

    3. gr.

    II. Félagsgjöld

    Félagsgjöld skulu ákveðin á aðalfundi félagsins, þá sem ákveðin krónutala, eða með því að veita stjórn félagsins til þess að hafa félagsgjöldin að ákveðnu hámarki og ákveðnu lágmarki. Stjórnarmenn eru á fríu árgjaldi, einnig er stjórn heimilt að veita frítt árgjald starfsmönnum klúbbsins.

    4. gr.

    Félagsskírteini skal gefa út til eins árs í senn og gildir það frá 1. júlí til 30. júní ár hvert. Félagsskírteini má ekki afhenda nema gegn greiðslu  élagsgjalda.

    LESA MEIRA

    5. gr.

    Útlit félagsskírteins skal ákveða af stjórn félagsins, en greinilegur munur þarf að vera á félagsskírteinum milli ára. Á félagsskírteininu skal koma fram nafn félagsins, fyrir hvaða tímabil það gildir og númer félagsmanns.

    6. gr.

    Félagsmaður á rétt til að halda félagsskírteini sínu, en ef hann endurnýjar ekki félagsskírteinið fyrir 1. október hvers árs hefur stjórn félagsins heimild til að ráðstafa félagsnúmerinu.

    7. gr.

    III. Stjórnskipulag

    Með stjórn félagsins fara:
    a) Almennir félagsfundir.
    b) Stjórn félagsins.

    8. gr.

    IV. Félagsfundir

    Æðsta vald í öllum málefnum félagsins innan þeirra marka sem samþykktir þess og landslög setja, er í höndum lögmætra félagsfunda. Félagsmönnum sem greitt hafa félagsgjöld sín a.m.k. 60 dögum fyrir fund er heimilt að sækja félagsfundi og taka þar til máls. Félagsmaður getur látið umboðsmann sækja félagsfund fyrir sína hönd og skal þá umboðsmaður leggja fram skriflegt, dagsett umboð, vottað af tveimur vitundarvottum. Í umboði þarf að tilgreina hvaða félagsfundur það er, sem umboðið tekur til. Ekki er heimilt að veita umboð sem tekur til fleiri félagsfunda en eins í senn. Umboði skal framvísa til fundarstjóra í upphafi fundar og sker hann úr um lögmæti þess. Umboðsmaður getur ekki farið með umboð fyrir fleiri en þrjá félagsmenn auk hans sjálfs.

    9. gr.

    Aðalfundur skal boðaður með tilkynningu á heimasíðu og/eða auglýsingu í dagblaði/fréttabréfi með minnst 10 og mest 14 daga fyrirvara. Aðalfund skal halda í maí/júní ár hvert. Aðalfundur er löglegur ef löglega er til hans boðað.

    10. gr.

    Stjórn félagsins boðar til aukafundar þegar hún telur þess þörf, svo ef minnst 20 félagsmenn krefjast þess skriflega og greina frá fundarefni. Stjórn tilkynnir fundarefni með fundarboðinu. Slíkir aukafundir sem og aðrir félagsfundir skulu boðaðir með a.m.k. 10 daga fyrirvara. Þegar lögmæt krafa um fundarhald er fram kominn, skal stjórninni skylt að boða til fundar í síðasta lagi innan 15 daga frá er henni barst krafan.

    11.gr.

    Á aðalfundi skulu þessi mál tekin til afgreiðslu:
    1. Kosning fundarstjóra og ritara fyrir fundinn.
    2. Skýrsla stjórnar
    3. Stjórn leggur fram endurskoðaða reikninga félagsins
    4. Umræður um skýrslu og reikninga
    5. Lagabreytingar
    6. Kosning formanns til þriggja ára
    7. Kosning 2 stjórnarmanna til tveggja ára
    8. Kosning endurskoðanda til eins árs
    9. Önnur mál

    12. gr.

    Formaður félagsstjórnar skal setja félagsfundi og skipa fundarstjóra. Fundarstjóri skal láta kjósa fundarritara sem heldur fundargerðarbók. Í fundargerðarbók skal skrá ákvarðanir fundar ásamt úrslitum atkvæðagreiðslna. Skrá um viðstadda félagsmenn skal færð í fundargerðarbók eða fylgja henni. Fundarstjóri og fundarritari skulu undirrita fundargerðarbókina.

    13. gr.

    Á félagsfundi ræður einfaldi meirihluti atkvæða úrslitum nema öðruvísi sé fyrir mælt í samþykktum félagsins eða landslögum. Ef tillaga fær jafnmörg atkvæði með og á móti telst hún fallin. Ef tveir menn eða fleiri fá jafnmörg atkvæði skal kosið aftur á milli þeirra. Sé ekki hægt að fá meirihluta úrslit skal hlutkasti ráða. Á félagsfundum fylgir eitt atkvæði hverju félagsskírteini í félaginu.

    14. gr.

    V. Stjórn félagsins

    Aðalfundur kýs formann til 3 ára og 2 menn af 4 annað hvert ár í stjórn félagsins. Hæfisskilyrði þeirra skulu vera þau sömu og gilda um hæfi til stjórnarsetu í hlutafélögum samkvæmt ákvæðum laga um hlutafélög. Auk þess er það skilyrði að sá sem býður sig fram hafi verið félagsmaður í a.m.k. tvö ár, þ.e. árið sem hann býður sig fram og árið á undan, og sé í skilum með félagsgjöld. Framboð til formanns- og stjórnarkjörs á aðalfundi skulu berast stjórn klúbbsins minnst viku fyrir aðalfund. Stjórnarfundir eru því aðeins lögmætir að mættur sé meirihluti stjórnarmanna. Einfaldur meirihluti ræður úrslitum á stjórnarfundum. Séu atkvæði jöfn ræður atkvæði formanns.

    15. gr.

    Stjórnin fer með æsta vald í málefnum félagsins milli félagsfunda. Meginskyldustörf hennar eru:
    1. Að sjá til að félagið hafi aðgang að samkomustað til að sjá þá leiki sem unnt er með Manchester United.
    2. Að sjá um skráningu félagsmanna, innheimtu félagsgjalda og gera félagsmönnum kleift að heimsækja Old Trafford.
    3. Að koma fram fyrir hönd félagsins.
    4. Að gefa út dreifirit eða halda heimasíðu til félagsmanna um málefni félagsins
    5. Að ráða fram úr öðrum málum, sem hún telur nauðsynlegt að fjalla um

    16. gr.

    Um það sem gerist á stjórnarfundum skal haldin fundargerðabók sem undirrituð skal af þeim sem fundi sitja. Stjórnarmaður sem ekki er sammála ákvörðun stjórnar á rétt á að fá sérálit sitt skráð í fundargerðabókina.
    VI. Reikningar og endurskoðun

    17. gr.

    Reikningsár félagsins er 1. júní til 31. maí ár hvert. Ársreikning skal semja fyrir hvert félagsár og skal hann hafa að geyma rekstrarreikning, efnahagsreikning og skýringar. Ársreikningur skal undirritaður af stjórn félagsins. Ársreikningur skal lagður fyrir endurskoðendur eigi síðar en viku fyrir aðalfund.

    18. gr.

    Á aðalfundi skal kjósa skoðunarmann til eins árs í senn. Skoðunarmaður skal endurskoða ársreikninginn og í því sambandi kanna bókhaldsgögn félagsins og aðra þætti er varða rekstur þess og stöðu. Þeir skulu gera endurskoðunarskýrslu sem leggja skal fyrir aðalfund. Skoðunarmaður hefur rétt til að sitja hluthafafundi félagsins.

    19. gr.

    VII. Breytingar á samþykktum félagsins

    Ákvörðun um breytingu samþykkta félagsins skal tekin á löglega boðuðum aðalfundi enda hafi tillagna verið getið í fundarboði. Breyting verður þó því aðeins gild að hún hljóti samþykki minnst 75% greiddra atkvæða á fundinum.

    20. gr.

    VIII. Slit á félaginu

    Sé félaginu slitið skal gefa eignir þess til góðgerðasamtaka

    Samþykkt í Reykjavík 30. maí 2019.

    Menu