Nemanja Vidic segist vera gríðarlega stoltur af því að fá að bera fyrirliðabandið undanfarna leiki. Hann hefur verið útnefndur fyrirliði í fjarveru Rio Ferdinand og Gary Neville.

Eftir að hafa skrifað undir nýjan fjögurra ára samning í sumar hefur Nemanja Vidic tekið við af Patrice Evra sem varafyrirliði á eftir þeim Rio Ferdinand og Gary Neville. Vidic var meðal annars fyrirliði í leiknum gegn West Ham um síðustu helgi þrátt fyrir að reynsluboltinn Ryan Giggs byrjaði inn á. Þetta er því gríðarleg viðurkenning fyrir Vidic sem hefur svo sannarlega staðið fyrir sínu síðan hann kom til félagsins frá Spartak Moskvu fyrir £7m punda fyrir tæplega fimm árum síðan.

„Þetta er stórt afrek fyrir mig. Enginn mun neita því að vilja vera fyrirliði Manchester United og ég er mjög ánægður með það. Þetta er auðvitað mikil ábyrgð en mér hefur alltaf líkað vel við að bera ábyrgð. Ég er ekki leikmaður sem reyni að forðast það. Ekkert hefur í raun breyst hvað það varðar." sagði Vidic.

Aldur Vidic og reynsla hans hjá félaginu setur hann í hóp með reyndari leikmönnum á Old Trafford. Hinsvegar er ferill hans hjá United ansi stuttur samanborið við þá Giggs, Scholes og Neville sem eru að nálgast tveggja áratuga þjónustu við félagið.

„Við vitum allir að fyrirliðar liðsins eru Gary Neville, Ryan Giggs, Paul Scholes og Rio Ferdinand. Þeir eru allir alvöru leiðtogar. Hinir leikmennirnir fylgjast með hvernig þeir gera hlutina. Þeir þurfa ekki að gera neitt sérstakt, þeir þurfa bara að vera þeir sjálfur til að setja hinum leikmönnunum fordæmi. Þegar þeir eru ekki inn á vellinum þá reyni ég bara að gera mitt besta og nota þá reynslu sem ég hef fengið á mínum árum með Manchester United." sagði Vidic að lokum.

- Daði Már