Rio Ferdinand mun spila í kvöld með varaliði Manchester United gegn Oldham Athletic. Þessi öflugi varnarmaður er að koma til baka eftir slæm hnémeiðsli sem hann hlaut á æfingu með enska landsliðinu í sumar.

Rio Ferdinand hefur verið frá síðan í júní vegna hnémeiðslanna sem hann hlaut eftir tæklingu frá Emile Heskey í sumar. Talið var að Ferdinand yrði frá keppni fram til loka september en bati hans hefur verið hraðari en búist var við.

Varaliðsleikurinn í kvöld er partur af Manchester Senior Cup keppninni. Wes Brown, Anderson og Federicho Macheda munu einnig taka þátt í leiknum. Ef Rio Ferdinand kemst heill í gegnum leikinn gæti hann hugsanlega snúið aftur í aðalliðið fyrir leikinn gegn Everton á Goodison Park þann 11. september næstkomandi.

- Daði Már