Tomasz Kuszczak, varamarkvörður Manchester United, segir að hann fari fljótlega frá félaginu fái hann ekki aðalmarkvarðarstöðuna. Ákvörðun aðalmarkvarðarins Edwin van der Sar um að vera enn eitt árið hjá United bætir ekki stöðu Pólverjans.

„Ég veit ekki hversu mikið lengur ég verð á bekknum. Ég hef beðið í fjögur ár og liðið vel hér en kannski þarf ég að breyta til,“ sagði hinn 27 ára gamli Pólverji í samtali við The People.

„Mig langar til að vinna áfram með Sir Alex því hann er frábær stjóri. Við ætlum að reyna að leysa þetta því ég vil ekki vera lengur á bekknum. Ég hef alltaf sagt að ég breyti um telji ég mig hafa staðnað og sú stund er upp runnin. Mig langar til að vinna og ég tel mig hafa sannað að ég sé nógu góður til að verða aðalmarkvörður United.“

-Zunderman