Dimitar Berbatov hefur viðurkennt að hann vilji spila meira en framherjinn hefur verið fyrir aftan Rooney, Welbeck og Hernandez í goggunarröðinni hjá United á þessu tímabili. Hann var markahæsti leikmaður ensku úrvalsdeildarinnar í fyrra en hefur fengið fá tækifæri á þessu tímabili.

Varafyrirliði United, Patrice Evra, hrósar Manchester United fyrir að komast í gegnum öll þau meiðsli sem hrjáð hafa liðshópinn í vetur. Hann segir það ótrúlegt að United sé á þeim stað sem þeir eru í deildinni miðað við öll meiðslin sem þeir hafa lent í á tímabilinu.

Í dag eru liðin 54 ár frá því að 23 létust þegar flugvél með leikmönnum Manchester United og fylgdarliði fórst í flugtaki á flugvellinum í München. Vélin millilenti þar til að taka eldsneyti á leið frá Belgrad í Júgóslavíu þar sem United lék daginn áður.

Cristiano Ronaldo gæti verið á leið aftur í Ensku Úrvalsdeildina ef marka má sögusagnir ensku blaðanna í dag. Eins og við munum yfirgaf Ronaldo Old Trafford fyrir metfé sumarið 2009, hann segist nú vera kominn með leið á Spáni og vill snúa aftur til Englands.

Ryan Giggs er opinn fyrir því að semja um nýjan eins árs samning við United að þessu tímabili loknu. Honum fannst Scholes hætta of snemma og er ánægður með að fá hann aftur í hópinn.

 

Hinn 19 ára gamli Frederic Veseli gekk í raðir Manchester United í janúarglugganum frá erkifjendunum í Manchester City. Umboðsmaður leikmannsins segir að Veseli hafi gefist upp á City því þar hugsa menn bara um að kaupa stjörnur, ekki búa þær til.