Lög klúbbsins

I. Heiti félagsins og tilgangur

1. gr.
Nafn félagsins er Stuðningsmannaklúbbur Manchester United á Íslandi. Varnarþing þess er í Reykjavík.

2. gr.
Tilgangur félagsins er að stuðla að auknum stuðningi við Manchester United, s.s. með útgáfu félagsblaðs,  rekstri heimasíðu á internetinu og að gera félgsmönnum kleift að sjá sem flesta leiki með Manchester United.

II. Félagsgjöld
3. gr.
Félagsgjöld skulu ákveðin á aðalfundi félagsins, þá sem ákveðin krónutala, eða með því að veita stjórn félagsins til þess að hafa félagsgjöldin að ákveðnu hámarki og ákveðnu lágmarki.
Stjórnarmenn eru á fríu árgjaldi,  einnig er stjórn heimilt að veita frítt árgjald starfsmönnum klúbbsins.

4. gr.
Félagsskírteini skal gefa út til eins árs í senn og gildir það frá 1. júlí til 30. júní ár hvert.
Félagsskríteini má ekki afhenda nema gegn greiðslu félagsgjalda.

5. gr.
Útlit félagsskírteins skal ákveða af stjórn félagsins, en greinilegur munur þarf að vera á félagsskírteinum milli ára. Á félagsskírteininu skal koma fram nafn félagsins, fyrir hvaða tímabil það gildir, númer félagsmanns og nafn þess staðar sem er heimavöllur félagsins að hverju sinni.

6. gr.
Glati félagsmaður skírteini sínu þarf hann að framvísa kvittun fyrir greiðslu félagsgjalda til að fá nýtt félagsskírteini og skal hann greiða helming kostnaðar við gerð nýja félagsskírteinisins.

7. gr.
Félagsmaður á rétt til að halda félagsskírteini sínu, en ef hann endurnýjar ekki félagsskírteinið fyrir 1. október hvers árs hefur stjórn félagsins heimild til að ráðstafa félagsnúmerinu.

III. Stjórnskipulag
8. gr.
Með stjórn félagsins fara:           a) Almennir félagsfundir          b) Stjórn félagsins.

IV. Félagsfundir
9. gr.
Æðsta vald í öllum málefnum félagsins innan þeirra marka sem samþykktir þess og landslög setja, er í höndum lögmætra félagsfunda.

Félagsmönnum sem greitt hafa félagsgjöld sín er heimilt að sækja félagsfundi og taka þar til máls. Félagsmaður getur látið umboðsmann sækja félagsfund fyrir sína hönd og skal þá umboðsmaður leggja fram skriflegt og dagsett umboð. Umboð gildir aldrei lengur en eitt ár frá dagsetningu þess.

Auk félagsmanna og umboðsmanna þeirra hafa og endurskoðendur rét til fundarsetu. Þá getur stjórn félagsins boðið mönnum setu á einstökum fundum, einkum ef leita þarf álits þeirra eða aðstoðar.

10. gr.
Aðalfundur skal boðaður með tilkynningu á heimasíðu og/eða auglýsingu í dagblaði/fréttabréfi með minnst 10 og mest 14 daga fyrirvara.  Aðalfund skal halda í maí/júní  ár hvert.   Aðalfundur er löglegur ef löglega er til hans boðað.

11. gr.
Stjórn félagsins boðar til aukafundar þegar hún telur þess þörf, svo ef minnst 20 félagsmenn krefjast þess skriflega og greina frá fundarefni. Stjórn tilkynnir fundarefni með fundarboðinu. Slíkir aukafundir sem og aðrir félagsfundir skulu boðaðir með a.m.k. 10 daga fyrirvara. Þegar lögmæt krafa um fundarhald er fram kominn, skal stjórninni skylt að boða til fundar í síðasta lagi innan 15 daga frá er henni barst krafan.

12.gr.
Á aðalfundi skulu þessi mál tekin til afgreiðslu:
    

• Kosning fundarstjóra og ritara fyrir fundinn.
• Skýrsla stjórnar
• Stjórn leggur fram endurskoðaða reikninga félagsins 
• Umræður um skýrslu og reikninga
• Lagabreytingar
• Kosning formanns til tveggja ára
• Kosning tveggja stjórnarmanna til tveggja ára
• Kosning varamanns í stjórn til tveggja ára
• Kosning endurskoðanda til eins árs
• Önnur mál

13. gr.
Formaður félagsstjórnar skal setja félagsfundi og skipa fundarstjóra. Fundarstjóri skal láta kjósa fundarritara sem heldur fundargerðarbók. Í fundargerðarbók skal skrá ákvarðanir fundar ásamt úrslitum atkvæðagreiðslna. Skrá um viðstadda félagsmenn skal færð í fundargerðarbók eða fylgja henni. Fundarstjóri og fundarritari skulu undirrita fundargerðarbókina.

14. gr.
Á félagsfundi ræður einfaldi meirhluti atvkæða úrslitum nema öðruvísi sé fyrir mælt í samþykktum félagsins eða landslögum. Ef tillaga fær jafnmörg atkvæði með og á móti telst hún fallin. Ef tveir menn eða fleiri fá jafnmörg atvkæði þegar kjósa skal menn til starfa fyrir félagið skal hlutkesti ráða.

Á félagsfundum fylgir eitt atkvæði hverju félagsskírteini í félaginu.
V. Stjórn félagsins

15. gr.
Aðalfundur kýs formann og fjóra menn í stjórn félagsins,  einnig tvo varamenn. Um hæfi þeirra fer eftir lögum. Stjórnarmenn þurfa að vera félagsmenn.

Formaður kveður stjórnina til funda og stýrir þeim. Fundi skal boða hvenær sem hann telur þess þörf og þegar einn eða fleiri stjórnarmenn krefjast þess.  Stjórnarfundir eru því aðeins lögmætir að mættur sé meirihluti stjórnarmanna. Forfallist stjórnarmaður skal boða varamenn til þátttöku á stjórnarfundum meðan forföllin vara.
Einfaldur meirihluti ræður úrslitum á stjórnarfundum.  Séu atkvæði jöfn ræður atkvæði formanns.

16. gr.
Stjórnin fer með æsta vald í málefnum félagsins milli félagsfunda. Meginskyldustörf hennar eru:
    

• Að sjá til að félagið hafi aðgang að samkomustað til að sjá þá leiki sem unnt er með Manchester United.  
• Að sjá um skráningu félgsmanna, innheimtu félagsgjalda og gera félagsmönnum kleift að heimsækja Old Trafford.   
• Að koma fram fyrir hönd félagsins.  
• Að gefa út dreifirit til félagsmanna um málefni félagsins  
• Að ráða fram úr öðrum málum, sem hún telur nauðsynlegt að fjalla um.

17. gr.
Um það sem gerist á stjórnarfundum skal haldin fundargerðabók sem undirrituð skal af þeim sem fundi sitja. Stjórnarmaður sem ekki er sammála ákvörðun stjórnar á rét á að fá sérálit sitt skráð í fundargerðabókina.
VI. Reikingar og endurskoðun

18. gr.
Reikningsár félagsins er 1. júní til 31. maí ár hvert. Ársreikning skal semja fyrir hvert félagsár og skal hann hafa að geyma rekstrarreikning, efnahagsreikning og skýringar. Ársreikningur skal undirritaður af stjórn félagsins. Ársreikningur skal lagður fyrir endurskoðendur eigi síðar en viku fyrir aðalfund.

19. gr.
Á aðalfundi skal kjósa skoðunarmann til eins árs í senn. Skoðunarmaður skal endurskoða ársreikninginn og í því sambandi kanna bókhaldsgögn félagsing og aðra þætti er varða rekstur þess og stöðu. Þeir skulu gera endurskoðunarskýrslu sem leggja skal fyrir aðalfund. Skoðunarmaður hefur rétt til að sitja hluthafafundi félagsins.
VII. Breytingar á samþykktum félagsins

20. gr.
Ákvörðun um breytingu samþykkta félagsins skal tekin á löglega boðuðum aðalfundi enda hafi tillagna verið getið í fundarboði. Breyting verður þó því aðeins gild að hún hljóti samþykki minnst 75% greiddra atkvæða á fundinum.
VIII. Slit á félaginu

21. gr.
Sé félaginu slitið skal skipta eignum þess á félagsmenn sem þá eru í félaginu.

 

---