Fréttir frá klúbbnum

Búningarnir hjá Manchester United fyrir næsta tímabil eru komnir á netið. Í gær var mynd sett á Facebook síðu Manchester United af nýju búningum sem verða að nokkuð óvenjulegir,  því búningarnir næsta tímabil verða köflóttir!

Enskir fjölmiðlar segja að Sir Alex sé að íhuga að breyta út af vananum og spila með 5 manna miðju í leiknum gegn Manchester City í kvöld. Hugmyndin er að unglingurinn Danny Welbeck fari á bekkinn og hlaupagikkurinn Park Ji-Sung fari á miðjuna

Sir Alex er sagður vera að undirbúa 10 milljón punda tilboð í íslenska miðjumanninn Gylfa Sigurðsson. Gylfi hefur, eins og allir vita, slegið í gegn á lánssamning hjá Swansea, en hann kom til liðsins í janúar. Sir Alex var mættur á völlinn þegar Swansea tók á móti Wolves.

Framherjinn Danny Welbeck hefur skrifað undir langtíma samning við Manchester United. Welbeck sem hefur skorað 12 mörk á tímabilinu og verður líklega í enska landsliðshópnum á EM í sumar. Welbeck er nú að skrifa undir samning sem heldur honum á Old Trafford næstu 5 árin

Wayne Rooney var eini leikmaðurinn úr Manchester United sem komst í lið ársins í Ensku Úrvalsdeildinni. Rooney er næst markahæstur í deildinni með 26 mörk, einu marki frá Robin van Persie sem var valinn bestur, bæði af íþróttafréttamönnum og leikmönnum deildarinnar

Varnarmaðurinn Rio Ferdinand segir í viðtali að hann sé stoltur af því að hafa verið hjá Manchester United í 10 ár og að hann sé ekkert farinn að hugsa um að leggja skóna á hilluna. Í gríni sagðist hann frekar vera til í að vera í áratug í viðbót.